Anëtarët

Dallëndyshe Tabaku



Dallëndyshja ka mbi 30 vite që ushtron profesionin e endëses në tezgjah. Deri në vitin 1993 ishte një prej 3000 punonjësve të Ndërmarrjes Artistike të Krujës. Pamundësia financiare e detyroi të shiste qilimin e pajës për të investuar në një biznes të vetin. Sot, në pazarin e Derexhikut në Krujë, Dallëndyshja është ndër të paktat gra që e ushtron ende profesionin e artizanit dhe që arrin të sigurojë të ardhura me këtë zanat. Qilimat me motive të të gjitha trevave shqiptare spikasin në larmishmërinë e produkteve tradicionale që gjenden në dyqanin e saj. Përveç qilimave, prej dy vitesh Dallëndyshja ka filluar të prodhojë në tezgjah edhe portofola dhe çanta me motive popullore tradicionale të trevave shqiptare. Produktet me motive tradicionale shqiptare janë një ndër suvenirët më të pëlqyer nga turistët vendas dhe të huaj. “Kam futur çantat dhe suveniret si produkte të reja, me qëllim që turisti kur të vijë në Krujë të mos largohet pa marrë diçka edhe nga produktet e mia’, shprehet mjeshtre Dallëndyshja. Në atelien e saj më së shumti punon me porosi nga klientë vendas, por edhe të huaj. ARTIZANALE TABAKU Adresa: Pazari i Vjetër, Krujë Kontakt: +355693186553